arratsaldeko 19:00etatik aurrera TOMMY GUN, SOBIEHT, 121APACHE, FEOS PERO MAJOS eta DJ KAIK eta sorpresa gehiago!!
Urriaren 6an, Taupaka elkarteak zuzeneko aurkezpena burutuko du ZazpiKatu gaztetxean, Bilboko alde Zaharrean.
Bi hilabete pasa dira elkarteko kideok Taupaka Bilboko DDTren egoitzan aurkeztu genuenetik. Elkarrizketak, erreportaiak, kontzertuak…Asko izan dira geroztik burutu ditugun ekimenak eta hauekin aurrera jarraitzeko gogoekin gabiltza. Gainera, sortzaile ezberdinak bildu dira geroztik elkartera, eta familia handitzen joan da pixkanaka.
Orain, zuzeneko aurkezpena antolatu dugu urriaren 6rako Bilboko 7Katu Gaztetxean.
Elkarteko sortzaile danak bertan biltzea da gure asmoa, baina zuen presentzia ere beharrezkoa izango da.
Euskal kultura alternatiboaren jarraitzaile, copyleftaren defendatzaile, sortzaile-aktibista edota musikazalea besterik ez bazara ere, urriaren 6an, Zazpi Katu gaztetxean duzu zita.
eta zergatik Zazpi Katun? Euskal Herriko gaztetxeak euskal kultura alternatiboaren babesleku eta bilgune izan dira beti. Azken urteetan gaztetxeak bortizki erasotuak izan dira, eta eraso hoiekin, sortzaileok ere erasotuak sentitu gara. Bilbo gainera gaztetxeen kontrako eraso gehien jaso dituen lekua izanda (gaur bertan Santutxuko gaztetxea desalojatzen ari dira), gure presentziaz eta musikaz, kultura alternatiboarengatik egindakoa bueltatu nahi izan diogu Bilboko Alde Zaharreko gaztetxe honi.
Hauek dira, arratsaldeko 19:00etatik aurrera arituko diren taldeak:
TOMMY GUN, SOBIEHT, 121APACHE, FEOS PERO MAJOS eta DJ KAIKU. Hauekin batera, gonbidatu bereziak eta sorpresak!!! Datorren larunbaterarte!!!
Zuzeneko musika, giro ederra, konpromisoa, izerdia eta juerga!!! TAUPAKA!!!
